लोग्नेमान्छेको विहे भए नभएको कसरी थाहा पाउने ?

एकजना फेसबुक मित्रले फेसबुक च्याटमा कुरा गर्दै गर्दा सोध्नुभयो कि, लोग्नेमान्छेको विहे भए नभएको कसरी थाहा पाउने - मैले त्यतिबेला भनेँ, सोधेर थाहा पाउने । तर पछि मलाई यो प्रश्न मलाई अलि गम्भिर लाग्यो । सोधेको बेला सिधा जवाफ नै पाइन्छ भन्ने के ग्यारेन्टी - अनि मलाई यस बारेमा केही मस्तिष्क मन्थन गर्न मन लाग्यो । म एकैछिन घोरिएँ... मैले केही अन्य उपायहरु निकालेँ ः
१. चुराको आवाज सुन्नासाथ तर्सिनु ः विवाहित पुरुष उसको पत्नीबाट पाएको पिडा सम्झेर यति पिडित हुन्छ कि, चुराको आवाज आउने वित्तिकै तर्सिन थाल्छ । अनि सहजै अनुमान गर्न सकिन्छ कि उ विवाहित हो ।
२. हरेक कुरामा मोलमोलाई गर्नु ः श्रीमतीका असीमित आवस्यकताका कुराहरु किन्दा किन्दा हैरान भएपछि सकेसम्म सम्म सस्तोमा किन्न कोसिस त गर्ने नै भयो... त्यसैले उसले मोलमोलाई बढि गर्न थाल्छ ।
३. हरेक कुरालाई शंकाको दृष्टिले हेर्नु ः श्रीमतीको चियो चर्चो र शंका आशंका गर्दा गर्दै उसमा शंका गर्ने बानी नै परिसकेको हुन्छ... अनि हरेक कुरालाई शंकाको दृष्टिले हेर्न थाल्छ । अनि त उ विवाहित भन्ने थाहा भइहाल्छ ।
४. निधारतिर वा टाउकोमा हेर्नुस् डाडुको छाप छ कि...
अरु पनि धेरै आइडिया हुन सक्छन् विवाहित लोग्नेमान्छेलाई चिन्ने.. कृपया तपाईको आइडिया कमेन्ट मार्फत शेयर गर्नुस् ।