ल्वाङ गाउँबासीको गौरब : चलचित्र "कर्म"

मस्यैकुँकोट आमा समूह ल्वाङको पहिलो प्रस्तुति गुरुङ भाषा र संस्कृतिमा आधारित चलचित्र कर्म दर्शकहरुको विषेश अनुरोधमा पोखरामा पुनः प्रदर्शन गरिएको छ । सुन्दर पर्यटकिय गाउँ ल्वाङ, धम्पुस, घान्द्रुक लगाएत पोखराका साथै तनहुँ र लमजुङमा समेत छायाँङ्कन गरिएको चलचित्र कर्मको प्रथम प्रदर्शन भने गत महिना अर्थात् असोज ३० गते पोखराको कल्पना सिनेमा हलमा गरिएको थियो । उक्त दिन तीन शो गरी चलचित्र प्रदर्शन गरिएको भएपनि दर्शकहरुको अत्याधिक भिडका कारण कैयौँ दर्शकहरु चलचित्र हेर्नबाट वञ्चित भएका थिए ।
चलचित्र कर्ममा विष्णु गुरुङ, अजय गुरुङ, शान्ति गुरुङ, रिश्मा गुरुङका साथमा ल्वाङ निबासी देवराज गुरुङ, चिजमान गुरुङ, वर्षा गुरुङ, ध्रुव गुरुङ, भरत गुरुङ, जापान गुरुङ लगाएतका कलाकारहरुको साथमा आदर्श समाज राष्टिय दैनिकका प्रधान सम्पादक कृष्ण प्रसाद बाँस्तोलाको समेत अभिनय रहेको छ । गुरुङ संस्कृतिका विविध पक्षलाई केलाउने प्रयास गरीएको यस चलचित्रमा गुरुङ युवा युवतीबीचको प्रेम कथालाई पनि बडो रोचक ढंगले प्रस्तुत गरिएको छ । गुरुङको छोरा भएपछि लाहुरे हुनैपर्छ भन्ने पुरातन मानसिकतालाई चिर्ने प्रयास यस चलचित्रले गरेको छ । चलचित्रका नायकहरु ब्रिटिश आर्मीमा भर्ती हुन जति प्रयास गर्दा पनि असफल भएपछि आफ्नै देशमा रोजगारी गरेर नाम कमाउन सफल भएको कुरालाई चलचित्रले मुख्य रुपमा उठान गरेको छ । ब्ल्याक फ्रेम स्टुडियो पोखरामा सम्पादन गरिएको चलचित्र प्राविधिक रुपमा त्यति सबल नदेखिए पनि निर्देशक बोनी गुरुङको पहिलो प्रयासलाई तारिफ गर्न मिल्ने ठाउँहरु प्रशस्त भेटिन्छन् । द्धन्दको दृश्य नराखिएको चलचित्र कर्म सांगितिक रुपमा भने सबल रहेको छ । ल्वाङ गाउँमा फूलै फुलेको... बोलको गीत दर्शक स्रोताहरुले रुचाएका छन् । त्यसै गरी रादो रादो नौमती बाजा... बोलको गीत पनि उत्कृट छ । ल्वाङघलेललाई जति आकर्षक रुपले प्रस्तुत गरिनुपर्थ्यो त्यति नगरिएको आभाष चलचित्र हेरिसकेपछि महशुस हुन्छ । ल्वाङ बाहेक कोलेली, घलेल, खोरामुख, इदिखोला, सिउँ, ढिक्ला, साखु, ठाँटी, ओल्चे, लुम्रे, कालीमाटी, सिधिङ, कुइवाङ, इमु, तक्रो, प्रुन्धु लगाएतका गाउँहरुलाई समेत समेट्न सकेको भए अझै सुनमा सुगन्ध हुनेथियो जस्तो लाग्छ । कोलेलीको भजनलाई एक झल्को देखाइएको भएपनि चलचित्रमा उचित स्थान दिइएको छैन । तरपनि ल्वाङ गाउँबासीले चाहिँ गौरब गर्नसक्ने चलचित्र चाहिँ अवस्य बनेको छ चलचित्र कर्म ।

चलचित्र कर्म हेर्न दर्शकको भिड 

Read More

एनसेलका ग्राहकहरु मर्कामा

पहिलेको मेरो मोबाइल अर्थात अहिलेको एनसेल । नयाँ नयाँ योजनाका साथ बजारमा आक्रामक रुपमा प्रस्तुत भएर नेपाल टेलिकमको मोबाइल सेवालाइ समेत चुनौती दिइरहेको एनसेल कास्की जिल्लाको ल्वाङघलेलको कोलेलीमा चाहिँ कामै नलाग्ने भएको छ । एनसेलका सयौँ ग्राहक रहेको कोलेली र आसपासका क्षेत्रमा एनसेल नेटवर्कले काम गर्दा एनसेल प्रयोगकर्ता र तिनका आफन्त मर्कामा परेका छन् । पहिले राम्रोसँग एनसेल टिप्थ्यो, तर अहिले भने एनसेल प्रयोगकर्ताको मोवाइलबाट न फोन जान्छ, न आउँछ । मोबाइल सेटहरु गेम खेल्न र रेडियो सुन्न वा फोटो खिच्नको लागी मात्रै प्रयोगमा आएका छन् । स्वदेश तथा विदेशमा रहेका आफन्तले ल्वाङघलेलको कोलेलीमा रहेका आफन्तलाई फोन गर्दा सँधै एउटै वाक्य सुन्ने गरेका छन्, त्यो हो - "माफ गर्नुहोला, तपाईले डायल गर्नुभएको नम्बर अहिले उपलब्ध हुन सकेन, कृपया केही समयपछि पुनः प्रयास गर्नुहोला। (Sorry, the number you have dailed is can not be reached at the moment, please try again later.)"  यो समस्या एनसेलको कानमा पुगोस् र छिटो भन्दा छिटो समस्याको समाधान होओस् , स्थानियबासीहरुले यहि माग गरेका छन् ।

Read More

भेट भइयो

सिधिङ देखी लुम्रे सम्म झर्‍यौ र पो भेट भइयो,
वर्षा यामको मर्दीखोला तर्‍यौ र भेट भइयो ।
तडि्पएको थियो उत्सुक मायाको प्यास मेट्नै नपाई,
घलेल बाटै तिम्ले चारो छर्‍यौ र पो भेट भइयो ।
......................................................................................................................................................................................................................................................................................................................................

दशैँ तिर अनुसन्धान साहित्य सदन कोलेलीको पुस्तक निस्कदै छ रे... सबै गजल अहिले नै सार्वजनिक नगरौँ होला ।

Read More

किशोरीहरुलाई यौनको बारेमा कति चासो...

आज एकजना स्कूले नानीसँग भेट भयो । उनि मैले पढाउने विद्यालय नजिकै आर्बा विजय मा.वि. मा पढ्छिन्  । पहिले हाम्रो विद्यालयमा पढेकी, कहिलेकाहिँ त्यहाँ आउँछिन् आज पनि आइन् । धेरैपटक भेट भइरहने हुनाले उनि म सँग खुलेर कुरा गर्छिन् । हातमा एउटा सेतो कागज थियो, मैले सोधेँ, "के हो यो ?" "आज परीक्षा थियो, प्रश्नपत्र हो ।" उनले जवाफ दिइन् । "खै खै हेरौँ, कस्ता प्रश्न आएछन् ?" मैले मागेँ उनको प्रश्नपत्र । नवौँ कक्षाको जनसंख्या तथा वातावरण विषयको प्रश्नपत्र रहेछ । शुरुको प्रश्नबाट क्रमशः मैले "यो प्रश्नको उत्तर के लेख्यौ ?" भन्दै सोधेँ, तर उनले चित्तबुझ्दो जवाफ दिइनन् । एउटा प्रश्न थियो परिवार नियोजनका विधिहरुको बारेमा । मैले भने, "परिवार नियोजन त स्थायी र अस्थायी गरी दुइ किसिमको हुन्छ हैन र " उनले हत्त न पत्त जवाफ दिइन्, "वास्तवमा परीवार नियोजनका विधि प्राकृतिक र अप्राकृतिक गरी दुइ किसिमका हुन्छन् ।" मैले तत्काल सोधेँ, "प्राकृतिक विधि भन्नाले ?" उनले बाहृय स्खलन विधि, छन्द विधि र योनिरस परिक्षण विधिको बारेमा विस्तृत जानकारी दिइन् । मैले उनिसँग अरु प्रश्नको उत्तर सोधेँ, उनले धेरथोर जवाफ त दिइन् तर प्रजनन् र यौन सम्बन्धि प्रश्न बाहेक अरु प्रश्नको जवाफ उनलाई पूरा आएन । मैले सोधेँ, "भोली कुन विषय छ ?" उनको जवाफ थियो अर्थशास्त्र । मैले उनिसँग मार्शल तथा रविन्सले दिएको अर्थशास्त्रको परिभाषा सोधेँ, तर उनलाई अलिअलि परिभाषा त आयो, तर कुन परिभाषा कसको भन्ने चाहिँ आएन । यसपछि मलाई के लाग्यो भने जसको जुन विषयमा जति चासो छ, त्यो विषयमा उसले त्यति नै धेरै सिक्न सक्छ । तपाईलाई चाहिँ के लाग्छ ?

Read More

रातभरीको वर्षाले पोखराको बस्ती जोखीममा ।

पोखरा १९ भदौ, रातभरी परेको अविरल वर्षाका कारण पोखरा उमनपा १३ पाटनबेँशीको दुधपोखरी चोकमा घट्टेखोला र विजयपूर खोलाको दोभानमा विजयपूर खोलाले कटान गरेपछि । पाटनबेँशी जोखिममा परेको छ । खोला सडकको नजिकै आइपुगेको कारण दुधपोखरी चोकका स्थानियबासीहरु पिडित बनेका छन् । खोला र सडक बीचको दूरी अब करिब एक डेढ मिटर मात्र बाँकी रहेकाले फेरी पनि खोला बढेको खण्डमा सडक सँगसँगै बस्ती पनि खतरामा परेको छ । आर्बा विजय गाविस लगाएतका गा.वि.स.बाट पोखरा छिर्ने नाका भएको कारण दूधपोखरी, ताङतिङ, सिक्लेस लगाएतका विभिन्न स्थानमा जाने बाटो भएका कारण यो सडक खण्डको महत्व अत्याधिक रहेको छ । पाटनबेँसी क्षेत्र र खासगरी दूधपोखरी चोकमा बाक्लो बस्ती भएका कारण खोलाले केही मिटर मात्रै कटान गरेको खण्डमा सर्वनास निम्त्याउने खतरा बढेको छ । यसैबीच आज विहानै जम्मा भएको स्थानिय बासीको भेलाले विजयपूर खोला नियन्त्रण गर्न स्थानिय सरकार सँग आग्रह गरेको छ ।

Read More

"टिकाराम" हरुको राम कहानी...

लौ सुन... म भन्छु मेरो रामकहानी...

          मेरो नाम टिकाराम गौतम । कस्तो बेकारको नाम... मलाई यस्तै लाग्थ्यो । कमसेकम नाम राख्नुअघि विचार पुर्‍याउनु पर्दैन ? पक्कै यो मेरो नाम राख्नुमा कि त न्वारान गर्ने पण्डितको गल्ती छ, कि त मेरा बा आमाको । मेरो नाम मात्रै टिका तर फिका... कुनै रंग छैन, जीवनका रंगहरु बिना टिका कसरी रंगीन हुन सक्छ ? जीवनका रंगहरु भर्न त कला हुनुपर्‍यो नि । मलाई केही कला पनि नदिने भगवान पनि उस्तै । टिका नाम भएका मान्छेको प्रोफाइल हेरेँ, टिका भण्डारी बरिष्ठ संगीतकार, रेडियो नेपालमा जागिरे त्यो पनि डेपुटी डाइरेक्टर जस्तो पदमा । उनका फ्यानहरु देश बिदेशमा कति हो कति... टिका पहाडी बरिष्ठ कलाकार, टेलिचलचित्र, सेल्युलाइड चलचित्र गरेर सयौँ चलचित्रमा अभिनय... कहिले राजेश हमालको बा, कहिले निखिल उप्रेतीको ससुरा, कहिले सुनिल थापाको ज्वाई । उनलाई चिन्ने पनि कति हुन् कति । म बबुरो... कास्कीको कोलेलीमा जन्मेपनि, काहूँखोला बसेर कालिकाको कुनामा कुद्दैमा जिन्दगी जाला जस्तो भइसक्यो ।
          अँ साँच्ची, थर चाहिँ गौतम । गौतमहरुको प्रोफाइल हेरेँ । कुलचन्द्र गौतम, राष्टि्य अन्तर्राष्टि्य रुपमा ख्याति प्राप्त  व्यक्तित्व, संयुक्त राष्टसँघको महासचिव पदकै दाबेदार पहिलो नेपाली । बामदेब गौतम, नेपाली राजनीतिका चर्चित नेता, जति पटक गृहमन्त्री हुन्छन् उति चर्चामा । म गौतम... गाउँमा जन्मेर गोठालो गर्दैमा गतिलो मान्छे हुनै नपाई यो गति...। म पनि टिका भन्डारी, टिका पहाडी जस्तो हुन किन नसकेको... कुलचन्द्र गौतम, बामदेब गौतम जस्तो किन हुन नसकेको... मलाई धिक्कार लाग्यो ।
म यस्तै यस्तै पिडाले छट्पटिरहँदा आजभन्दा ठिक एकवर्ष अघि पोखराको रेडियो अन्नपूर्णका स्टेशन म्यानेजर दिपेन्द्र श्रेष्ठसँग साक्षात्कार गर्ने चाँजोपाँजो मिल्यो । वहाँले मलाई आर्ट अफ स्पिकिङको बहानामा आर्ट अफ लिभिङ सिकाइदिनुभयो । वहाँले भन्नुभयो, "सकारात्मक सोचका साथ अगाडी बढेको खण्डमा हात खुट्टा नहुने व्यक्तिले त जीवनमा हरेश नखाई अगाडी बढ्न सक्छन् भने, हामीसँग त सबथोक छ ।" हामीसँग नभएको कुरा हैन, भएको कुराबाट सोच्न वहाँले नै सिकाउनुभयो ।
          त्यसपछि मैले फेरी अरु टिकारामहरुको खोजी गरेँ । कैलाली टिकापूरका टिका चौधरी टन्टलापूर घाममा टिनको ट्याङ्की बनाउने काममा खटिँदा रहेछन् । सालघारी संखुवासभाका टिकाराम सापकोटा सिमलका काठ चिर्दै सास्ती खेप्दै रहेछन् । पर्वत पाङका टिकाराम पौडेल पैसा कमाउन पाकिस्तानको पंजाब पुगेको पाँच महिनासम्म पगार नपाएर पिडा खेप्दै रहेछन् । बुङ्कोट बाग्लुङका टिकाराम बराल बिहारमा व्यथाले च्यापेर बिरामी परेका सबैले बेवास्ता गरेपछि बेहाल भएका रहेछन् । टिकारामहरुको रामकहानी बुझेपछि म लागेँ गौतमहरुको गीता पल्टाउन तर्फ ।
          गौतमहरुले पनि थोरै गोता पाएका रहेनछन् । गंगापूर गीतानगरका गिरीधारी गौतम गायक बन्छु भनेर गीतार सिक्दा सिक्दै गला बसेपछि गुमनाम भएछन् । हरिचोक, हटियाका हरिलाल गौतम हजार हजारका हात्ती कमाउन हस्तिनापूर  पुगेपनि कहिले हरिद्धार त कहिले हिमाञ्चल गर्दै उतै हराएछन् । गौरादह गणेशटोलका गगन गौतम गिनीज बुकमा नाम लेखाउने गफ दिएर ग्राउन्डमा गेम खेलेपनि गोल गर्न नसकेर गोपाल गौलीको गाली खाएछन् । गौतमको यस्ता गतिबिधि पनि मैले धेरै हेरेँ गुगलबाट ।
           तरपनि कास्कीको टिकाराम गौतम पढाउने पेशा गरेरै भएपनि परिवारको पेट पालेकै छ । मानो चामल मागेर खानुपरेको छैन । साथी धेरै भएनन् होला, सकेसम्म शत्रु चाहिँ कमाएको छैन ।  हैरान भएपनि हाँसेकै छ, खाइनखाइ भएपनि खुसी नै छ । बास्तविकतामा बसेर लेखेको ब्लग पढ्ने त बग्रेल्ती हुन्छन् तर कमेन्ट लेख्नेचाहिँ बिरलै.... यहि त छ बिडम्बना...।

Read More

ल्वाङघलेलमा दुम्सीले दियो दुःख (भिडियो सहित)

तपाईलाई दुम्सीको बारेमा थाहा छ ? दुम्सी एक प्रकारको बन्यजन्तु हो । यसले वर्षायाममा किसानको खेतबारीमा मकै लगाएतका बालीहरु खाएर अनि नष्ट गरेर एकदम दुःख दिने गर्छ । दुम्सीले रातीमा आएर बालीनाली खाने हुनाले यसले अझै बढि सताउँछ । पहिले पहिले रातभरी आगो बालेर बारीमा दसुम्सी कुर्ने गरेका कथाहरु मैले सुनेको थिएँ । दुम्सीलाई पासोमा पारेर समातोको चाहिँ मैले पनि देखेको छु । अन्नपूर्ण संरक्षण क्षेत्रभित्र पर्ने भएकोले यो स्थानमा बन्यजन्तुहरु मार्न पाइदैन, तरपनि दुम्सी, ओत, बाँदर लगाएतका बन्यजन्तु तथा सुगा, कालिज लगाएतका पंक्षीहरुले यस क्षेत्रमा खासगरी कोलेलीमा अति नै दुःख दिइरहेको भएपनि कुनै निकायबाट कृषकहरुलाई राहत वा अन्य सहयोग भएको पाईदैन । दुम्सीले दिएको दुःख र कृषकहरुको हैरानीको समाधान के हुनसक्छ ? के संरक्षण मात्र गर्दैमा सबथोक हुन्छ ? बन्यजन्तु संरक्षण गर्ने अन्नपूर्ण संरक्षण क्षेत्र आयोजनाले यसरी कृषकले पाएको दुखको सुनुवाई गर्छ कि गर्दैन ? वा सरकारले कुनै क्षतीपुर्ती दिन्छ कि दिँदैन यो प्रश्न खुला बहसको लागी तपाईहरु सबै समक्ष राख्न चाहन्छु । तर अहिले चाहिँ कास्कीको ल्वाङघलेलको कोलेलीमा किसानहरुलाई दुम्सीले दिएको दुःख र दुम्सीको दुःखबाट छुटकारा पाउन गरीएको उपाय बारेमा  यस भिडियोबाट जानकारी पाउन सकिन्छ । यो भिडियो अन्त्यसम्म हेर्नुभयो भने चाहिँ केही फरक कुरा पाउनुहुनेछ । आफ्नो खेतीपाती र्सवनास पार्ने दुम्सीप्रति कस्तो व्यङ्य... मनभरी पिडा बोकेर पनि कति सजिलै हाँस्न सक्छन् निर्दोष कृषकहरु... भिडियो हेरीसकेपछि कमेन्ट लेख्न चाहिँ नभुल्नुहोला ।

Read More

भुक्ने कुकुरले टोक्दैन (भिडियो सहित)

तपाईलाई कुकुर मन पर्छ, धेरै मानिसहरु कुकुरसँग डराउँछन् । म पनि डराउँछु । भुक्ने कुकुरले टोक्दैन भन्ने त उखानै छ, झन् त्यसैमाथी बाँधेको कुकुरले के टोकोस्...भुक्ने मात्र न हो । बाँकी विवरण भिडियोमै हेर्नुस् ।

Read More

कास्कीको ल्वाङघलेलमा आल्मण्ड खेती : एक जानकारी (भिडियो सहित)

कास्की जिल्लाको ल्वाङघलेल गा.वि.स. वडा नं. ४ कोलेलीमा नेपालमै पहिलो पटक आल्मण्ड खेती गर्ने योजना छ । तपाईहरु मध्ये धेरैलाई यसबारेमा खुल्दुली लागेको हुनसक्छ, कसरी हुँदैछ, के के गर्ने योजना छ कोलेलीमा, कति लागत र लगानी लाग्छ र कसरी जुटाउने योजना छ ? यस्ता कतिपय प्रश्नहरुका जवाफ तपाईले यो भिडियोबाट पाउन सक्नुहुनेछ । यस भिडियोमा आल्मण्ड स्टडी ग्रुपका प्राविधिक सुन्दर अधिकारीले आल्मण्ड खेती सम्बन्धमा प्राविधिक र आर्थिक हिसाबले के कसरी योजना अगाडी बढ्छ भन्ने विषयमा कृषकहरुले सोधेका प्रश्नहरुको जवाफ दिएका छन् । २०६९ साल साउन ६ गते शनिबार एक औपचारिक कार्यक्रममा बोल्दै श्री अधिकारीले यी धारणाहरु राखेका हुन् । कार्यक्रममा आल्मण्ड स्टडी ग्रुपका संयोजक कुशुमकेशव पराजुली लगाएत वि.वि.सी नेपाली सेवाका बरिष्ठ पत्रकार नारायण कार्की, आदर्शसमाजका प्रधान सम्पादक कृष्णप्रसाद बाँस्तोला, कान्तिपूर दैनिकका सम्बाददाता लालप्रसाद सर्मा, गण्डकी टेलिभिजन तथा चकलेट साप्ताहिकका पत्रकार विभासको समेत उपस्थिती रहेको थियो । बाँकी प्रशंग भिडियोमा...

Read More

बाढीले कास्कीको ल्वाङघलेलमा गाउँ नै जोखिममा

पोखरा, भदौ १४–बुधवार साँझदेखि परेको अविरल बर्षाका कारण मर्दी नदीमा बाढी आउँदा कास्कीको ल्वाङ्गघलेलको खोरामुख गाउँ जोखिममा परेको छ । बाढी बढ्दै गएर नदी र बस्तीवीचको दूरी करिब १५ मिटर मात्रै बाँकी छ । बाढीका कारण खोरामुखका करिब एकसय घर जोखिममा परेका ल्वाङ्गघलेलबाट ओमप्रसाद गुरुङ्गले टेलिफोनमा जानकारी दिनुभयो । बाढीले करिब एकहजार रोजनी खेतीयोग्य जमिन समेत कटानको जोखिममा परेको छ । खोरामुख गाउँ मर्दी र ईंदी खोलाको वीचमा पर्ने भएकाले बर्षेनी त्यस क्षेत्रका बासिन्दा बाढीका कारण प्रभावित हुने गरेका छन् । बाढीका कारण मर्दी नदी आसपासमा रहेका रिभान र धिताल गाउँ विकास समितिका केही बस्ती समेत जोखिममा परेका छन् । स्थानीय बासिन्दाले मर्दी खोला नियन्त्रण गर्न स्थानीय प्रशासनसँग आग्रह गरेका छन् ।

Read More

खुल्दैछ कोलेलीको भविष्यको ढोका

अन्ततः कोलेलीमा आल्मन्ड खेती शुरु हुने नै भयो । आज पोखरामा हुँदैछ सम्झौता पत्रमा हस्ताक्षर ।

ल्वाङघलेल गा.वि.स. को कोलेलीमा नेपालमै पहिलो पटक शुरु गर्न लागिएको आल्मन्ड खेतीको लागी लगानीकर्ता, प्राविधिक टोली, सहजकर्ता तथ जमिनदाताहरुका बीच आज बिहान ८ः३० बजे पोखरा उद्योग वाणिज्य संघको सभाहलमा सम्झौता हुँदैछ । सम्झौता सबैलाई समेट्ने होस्, सामाजिक र समग्र कोलेली गाउँबासीको हितमा होस् , मेरो सुभेच्छा । विविध उतार चढावहरु पार गर्दै आल्मन्ड खेतीको योजनालाई अन्तिम रुप दिन अहोरात्र खट्नुहुने समाजसेवी श्री महेश्वर दवाडी, जनशक्ति कृषि सहकारी संस्था लि. तथा उदाहरण युवा क्लबका अध्यक्ष श्री बाबुराम गौतम, जनशक्ति कृषि सहकारी संस्था लि. का सचिव, श्री जनता प्राथमिक विद्यालय व्यवस्थापन समितिका अध्यक्ष श्री कृष्ण प्रसाद दवाडी, लुम्रे कोलेली ग्रामिण कृषि सडक निर्माण समितीका अध्यक्ष श्री राजन प्रसाद बराल, श्री जनता प्राथमिक विद्यालय कोलेलीका प्रधानाध्यापक श्री जिवनाथ लामिछाने लगाएत सम्पूर्ण समाजसेवीहरुलाई साधुबाद, जसले कुनै न कुनै रुपमा कोलेलीलाई प्रगती पथमा लम्काउन सहयोग गर्नुभयो ।

Read More

सरकारी कार्यालयमा किन हुँदैन फटाफट् काम ?

           नेपालमा प्रायः सरकारी कार्यालयमा समयमा काम नै हुँदैन, भएपनि गुणस्तरिय सेवा पाईदैन । यो मेरो आरोप हैन, आम नेपाली जनताको आवाज हो । सरकारी बैँक, सरकारी स्कूल, क्याम्पस, उद्योग, कलकारखाना, संस्थान तथा अन्य सरकारी अड्डाहरु, प्रसासन कार्यालय, मालपोत, भन्सार... यत्र तत्र र्सवत्र...। आखिर किन हुन्छ त सरकारी कार्यालयको नाम बदनाम ? के साँच्चैँ नै सरकारी कार्यालयमा काम नहुने नै हो ? वा प्राइभेटहरुले फिँजाइदिएको हल्ला हो ?

Read More

गुगलले हेप्यो नेपालीलाई...

विकसित देश अमेरिकाले नेपाल लगाएतका अल्पविकसित देशहरुमाथी हेपाहा व्यवहार गर्नेगरेका समाचारहरु बेलाबेलामा आउने गरेका छन् । चाहे त्यो राजनैतिक रुपमा होस् वा कुटनैतिक रुपमा नै किन नहोस् । यतिमात्र हैन, अमेरिकामा बनेका गुगल तथा यु टुव जस्ता साइटहरुले समेत नेपाल र नेपालीलाइ हेपाहा व्यवहार गर्छन् र अन्य देशका नागरिकहरुलाइ दिने सुविधा नेपालीहरुलाई दिँदैनन् ।

Read More

माओबादी बिरुद्ध ओलीका गोली

एमाले नेता के.पी. ओली आफ्ना भाषणका क्रममा उखान टुक्काको प्रयोग गरी छेडछाड हान्न माहिर मानिन्छन् । उखान टुक्कामा एस एल सी पास गरेका यी नेता खासगरी माओबादी प्रति आक्रामक अभिव्यक्ति दिएर बढि चर्चा बटुल्ने गर्दछन् । उखान र चुट्कीला भनिरहने हुनाले यी नेता भन्दापनि हास्यकलाकार जस्ता देखिन्छन् । चउरमा मान्छेका अगाडी चुट्कीला सुनाएर तालीको गड्गडाहट लुटेपनि चुनावमा भोट पाउने बेलामा भने यी नेता अलि पछाडी नै पर्दछन् । आजकल नेपाल टेलिभिजनको कार्यक्रम मेरी बास्सैमा सिताराम कट्टेल ( धुर्मुस) ले यीनको क्यारीकेचर गरेर अभिनय गरीरहेका छन् । हेरौँ वली जि का केही चुट्कीलाहरु ...

Read More

पैसा कमाउने उत्तम उपाय : सेक्स

        शिर्षक हेर्दा पैसा कमाउनकै लागी यौनकर्मीहरुले गर्ने यौन क्रियालाई आधार बनाएर यो लेख लेखिएको होला भन्ने लाग्न सक्छ तरपनि आज म अलि फरक तरिकाले यो प्रशंगको उठान गरिरहेको छु ।
आजकल इन्टरनेट युजरहरु इन्टरनेटका विभिन्न साइटहरुमा विभिन्न तस्विरहरु, भिडियोहरु तथा विभिन्न लेख रचना हरु प्रकाशित गर्नु सामान्य कुरा हो । यसका साथसाथै इन्टरनेटका विभिन्न साइटहरुमा अनलाईनमा काम गरेर आन्दानी गर्ने क्रम पनि बढिरहेको छ । तर यसका साथसाथै इन्टरनेटका विभिन्न सामाजिक सञ्जालहरुमा तथा व्यक्तिगत ब्लगपेजहरुमा यौनजन्य लेख, तस्विर तथा भिडियोहरु प्रकाशित गर्ने क्रम पनि आजभोली हृवात्तै बढेको छ ।

Read More

पत्रकारहरु होसियार... खाइएला है झ्याप्पु...

गाइजात्रा... वा व्यङ्ग्य भन्दै कसैको चित्त दुख्ने लेखहरु लेख्दै हुनुहुन्छ भने होसियार, अब पत्रकारमाथी उनिहरुकै अफिसमा पुगेर सिधै आक्रमण हुन्छ । नो चेतावनी, नो स्पष्टीकरण... सिधै झ्याप्पु । नपत्याए यो समाचार पढ्नुस् ।

काठमाडौ, साउन २२ - सौर्य दैनिकका पत्रकार चिरञ्जीवी पौडेलले गाईजात्राको अवसरमा एउटा लेख लेखे । 'रेखा थापाको मिनिस्कर्ट रहस्य' भन्ने । यो लेखको मुख्य पात्र नायिका रेखा थापाइ थापालाई बनाइएको थियो । लेखले भव्य रुपमै गाईजात्रे मसला प्रस्तुत गरेको थियो । नेपाली फिल्मकी हट एण्ड सेक्सी नायिकाका रुपमा चिनिने रेखाको मिनिस्कर्ट रहस्यले सबैलाई गाईजात्रे मनोरञ्जन त दियो तर स्वम् रेखा भने यो लेख देखेर चुप लाग्न सकिनन् । र पुगिन सौर्य दैनिकको कार्यालयमा । जँहा उनले पत्रकार चिरिञ्जीवी लाई भेट्नु थियो ।

भेटे लगात्त्तै उनले प्रश्न गरिन, 'मेरो बारेमा किन यस्तो लेख्नुभयो ?'

जवाफमा पौडेलले भने, 'गाईजात्राको लागी कल्पना गरेर लेखेको हु ।'

प्रतिउत्तरमा रेखाले एक झापड चड्काईन र भनिन्, 'मैले पनि यो कल्पना गरेर हानेको हु ।'

Read More

कहिले हो फ्रेन्डसिप डे ?

हामी नेपालीहरु नेपाली चाडपर्वहरु र दिवसको बारेमा उति वास्ता र चाख राख्दैनौँ, तर बिदेसी day हरुले हामीलाई अति छिटोप्रभाव पर्ने गर्दछन् । हामीलाई पुत्रदा एकादशी कहिले पर्दछ थाहा हुँदैन, तर Valentines Day: February 14  कण्ठै हुन्छ। यसै क्रममा हिजो अगस्टको पहिलो दिन "हृयाप्पी फ्रेन्डशिप डे" भनेर फेसबुकका भित्ताहरु भरिए, मोबाइलका मेसेजबक्सहरुर इमेलका इनबक्सहरुमा त्यस्तै मेसेजहरु आइरहे त्यस्तै लहै लहैमा... वास्तवमा फ्रेन्ससिप डे कहाँबाट कहिले शुरु भयो, कुनदेशबाट किन शुरु भयो र खास कुन दिनलाई फ्रेन्डसिप डे भनेर मनाउन थालियो भन्ने बारेमा हामीमध्ये कमैलाई मात्र थाहाहोला ।हुनत पोहोर सालपनि यो बारेमा बहस भएकै हो । बरिष्ठ सञ्चारकर्मी दिपेन्द्र श्रेष्ठले त रेडियो अन्नपूर्णको लाइभकार्यक्रम पोखरा कल इनमै यसबारेमा बहस चलाउनुभएको थियो । एकदिन म सँगको भेटमा पनि वहाँसँग यसबारेमा कुराभएपछि मैले फ्रेन्डसिपको बारेमा जानकारी लिन विभिन्न वेवसाइडहरु हेरेको थिएँ । खासगरी सन् १९३५ मा अमेरिकी कँग्रेसलेअगस्ट महिनाको पहिलो आइतबारलाई फ्रेन्डसिप डे को मान्यता दिएको इतिहास पाइन्छ । जुनकुरा यो वेवसाइटमा गएर हेर्नसकिन्छ । फ्रेन्डसिप डे को बारेमा जानकारी र गिफ्ट साटासाट गर्न खुलेको यो वेवसाइटले पनि अगस्टको पहिलो आइतबारबार लाई नै फ्रेन्डसिप डे भनेको छ । हुन त हामी नेपालीहरु मात्रै कहाँ हो र कतिपय बिदेशी मित्रहरुले समेत मलाई “Happy Friendship Day” भनेर म्यासेजगर्नुभएको थियो । यसबाट के देखिन्छ भने हावाको पछि दौडने हामीमात्रै हैनौँ, बिदेशीहरु पनि रहेछन् । तरपनि कमसेकमहामी त क्लिएर हुन सिकौँ ।

Read More

कसरी पाउने सेक्समा सन्तुष्टि ???

यौनकार्य एउटा शारीरिक संयोग हो। यौनचाहना सामान्य शारीरिक प्रवृत्ति पनि हो। वैवाहिक जीवन सुखी र सफल बनाउन सहवासले  महत्वपूर्ण भूमिका निवाह गर्छ। सहवासबाट आनन्द मात्र प्राप्त हुँदैन, शारीरिक सुखका साथै स्वास्थ्यमा पनि सकारात्मक परिवर्तन देखा पर्छ।  यौन वैवाहिक जीवनको धरातल हो र यो महत्वपूर्ण क्रियाबाट महिला तथा पुरुष दुवैलाई परितृप्ति र स्थायी सुख प्राप्त हुन्छ। स्वस्थ यौन  जीवनले वैवाहिक जीवनमा सञ्जीवनीको काम गर्छ। नियमित रूपमा राखिने स्वस्थ यौनसम्बन्धले मुटुलाई बलियो बनाउने म्यासाच्युसेटस्थित  न्यू-इल्यान्ड इन्स्टिच्युटका वैज्ञानिकहरूको अध्ययनले देखाएको छ। मानिसको यौन क्रियाका लागि जसरी सुविधाजनक बिछ्यौना आवश्यक  हुन्छ, त्योभन्दा बढी आवश्यक हुन्छ सही खानपानको।

मानव शरीर जुन अवयवबाट बनेको हुन्छ त्यसमा अनेक धातु र खनिज पदार्थ हुन्छन् जुन बराबर व्यय हुन्छ र भोजनमा ती पदार्थको कमीले  यौनलाई प्रभावित गर्छ, जसका कारण यौनशक्तिमा कमी आउँछ, मानिसले आफ्नो यौन जीवनबाट सोचेअनुरूपको सुख प्राप्त गर्न सक्दैन  भने वैवाहिक जीवनसमेत धरापमा पर्छ। त्यसैले यौन जीवनलाई सुखी राख्न

Read More